NADAX تم نشره أبريل 17 تم نشره أبريل 17 نداء إلى فرسان عالم الأسرار! يا فرسان عالم الأسرار، يا من خضتم المعارك، وكشفتم الألغاز، وصمدتم أمام الظلام! لكن... في وسط كل ده، بدأت تظهر لينا بعض الحاجات الغريبة! أخطاء ومشاكل مش مفهومة بتكسر الحماس، وبتربك حتى أمهر المغامرين بصراحة، مش عارف إيه سببها بالضبط، لكن حبيت أشارككم اللي لاحظته، ويمكن مع بعض نقدر نفهم إيه اللي بيحصل! في الموضوع ده هعرض المشاكل اللي واجهتني، وباب المشاركة مفتوح لأي حد واجه نفس الحاجة أو عنده فكرة تساعد. شاركنا بتجربتك، خلينا نحط الخبرات كلها في مكان واحد ونخلي اللعبة أحلى لينا كلنا! 1 المشكلة الأولى: حقيبتي مش أمينة! أثناء ترتيب الحقيبة في اللعبة، لاحظت حاجة غريبة جدًا… بكون بنقل أو أرتّب الأغراض، وفجأة ألاقي بعض الحاجات اختفت أو انتقلت لمكان تاني من غير ما ألمسها! الموضوع مش بيحصل دايمًا، لكنه متكرر بشكل مريب، وبيخلي ترتيب الحقيبة مرهق جدًا، خصوصًا لما تكون في وسط معركة أو محتاج توصل لغرض معين بسرعة! هل حد منكم واجه نفس المشكلة؟ ولا دي لعنة خاصة بحقيبتي أنا؟ شاركونا تجاربكم، ولو فيه طريقة نقدر نخفف بيها الموضوع، يبقى كتر خيركم! صورة توضح شكل المشكلة اكتر المشكلة رقم 2: الانتقال؟ للأسف... ERROR! سواء كنت في بلاد النور، أو بتحاول تنتقل لمدينة تانية، أو حتى تغيّر القناة من 1 إلى 2 أو العكس… بتواجهني رسالة خطأ مزعجة جدًا كل ما أعمل خطوة بسيطة زي دي! الغريب إن نفس الخطأ بيحصل كمان لما أستخدم لفافة العودة… المفروض ترجعني بسرعة، بس بدل كده اللعبة بتفاجئني بـ ERROR وكأنها بتقوللي: "خليكي مطرحك!" المشكلة دي متكررة بشكل كبير، وبتأثر على تجربة اللعب، خصوصًا لما تكون مستعجل أو بتلعب مع تيم وتلاقي نفسك خارج اللعبة بسبب خطأ غير مفهوم! حد لاحظ نفس المشكلة؟ وهل في طريقة لتفاديها أو حل مؤقت؟ ياريت تشاركونا عشان نقدر نوصل لصوتنا للمطورين صورة لتوضيح المشكلة اكثر المشكلة رقم 3: "حسابك معلق – اللعبه مش راضية تفتح!" بتدخل على اللعبة بعد يوم طويل من الترقب، تكتب اسم المستخدم والباسورد ، تختار القناة اللي نفسك تبدأ فيها، وتضغط "GO"... ولكن، المفاجأة! اللعبة مش بترجع لك حاجة، مفيش أي استجابة، وكأنك ضغطت على "GO" في الفضاء! اللعبة بتقف في نص الطريق، وتعلق معاك بدون أي رسالة، وكأنك مش موجود في عالم "عالم الأسرار" من الأساس! الوقت ده بيكون frustrating محبط خ بكل ما تعنيه الكلمة! لكن، إنت مش لوحدك في القصة دي، خلينا نتعامل مع المشكلة دي ونواجهها بكل قوتنا! الحل؟ انا مش عارفة بصراحة وحسابي في الوقت الحالي مش بيفتح من تاريخ 4/14 شهر أبريل في النهاية، خليكم دايمًا مستعدين للمتعة والتحدي! المغامرة لسه مكملة، وكل مشكلة هتكون فرصة جديدة للنصر! يلا بينا يا أبطال، سلام للجميع! DarkMoon Quote
NADAX تم نشره أبريل 18 Author تم نشره أبريل 18 قبل 3 ساعات, شداد said: حتي انا حسابي علق فنفس اليوم ومش بيفتح للان شكراً لمشاركتك Quote
NADAX تم نشره Thursday at 10:39 Author تم نشره Thursday at 10:39 (تعديل) كل الحسابات رجعت تاني .. Quote
(2)(1)(5)(1)(1)(1)(1).thumb.gif.4493b474feeb3d06b660220a7a747b57.gif)
Recommended Posts
Join the conversation
You can post now and register later. If you have an account, sign in now to post with your account.